由孔孝真、趙正錫主演嘅水木劇（逢周三發周四播出）《嫉妒的化身》，噚日撞正對家兩大電視台嘅水木劇都播完，要到下周先首播對撼，所以孔孝真可以話喺冇對手下輕易成為收視冠軍。

噚晚《嫉妒的化身》播出第8集，收視比上一集勁升2%，收視突破雙位數，錄得10.1%，刷新開播以來最高紀錄。

至於同檔嘅MBC台就播出中秋特備節目《無限挑戰-無線商社2016》，有7.1%嘅收視排第二位；KBS 播出節《Time slip-新少年》，則以4.6%嘅收視包尾墊底。