由陸駿光、陳漢娜、李任燊及林善主演的電影《G殺》，描述一宗離奇人頭命案，交織着血腥、性愛及師生戀等複雜劇情，電影屬「首部劇情電影計劃」得獎作品，更於今屆金像獎獲六項提名，包括最佳新晉導演、最佳女配角、最佳新演員、最佳音響效果、最佳剪接及最佳攝影，四人日前於九龍塘接受訪問。

陸駿光與陳漢娜在戲中有一段師生戀，更有大膽口交情節，對白露骨，陸駿光說：「我同漢娜係師生戀，同佢後母更有撲朔迷離關係，角色背負宗教信仰，最後崩潰，帶出社會敏感議題，拷問道德底線。」對於該場口交戲，陸駿光說：「是枱底交易，情侶會發生嘅事，露骨過程，但拍得唔核突。拍時我都尷尬，屬本身情侶做嘅事，但發生於師生關係就要睇吓大家覺得啱唔啱。」

陳漢娜指劇本上描述師生親熱關係露骨，但拍攝不突兀，她說：「拍出嚟未係好親熱程度，初時都好尷尬，因為大家未熟，我同老師嘅露骨對話，係超越學生同老師講嘅嘢，需要諗點樣處理呢啲對白，中間牽涉口交，一個o靚妹同一個老師講呢樣嘢，點樣令到場戲唔核突？自己做反應都幾尷尬。」漢娜的角色複雜，媽咪過世後跟着後母，她在學校是優秀學生，但在學校不受歡迎，顯出成熟中的不成熟。

李任燊飾演一個亞氏保加症學生，他說：「開頭驚太刻意演個特殊病患者，但睇完劇本之後覺得好合理，關係到人頭命案，如果杜汶澤唔係搵到我，應該唔會有人願意承擔呢件事，所以劇情好合理。我同漢娜在戲中被欺凌，會被人話係低能仔、弱智，被杯葛，我同漢娜有幾場情緒激烈對手戲。」

林善在戲中是個喜歡拉大提琴的學生，角色同樣被孤立，林善說：「角色經常被恰，冇朋友幫助，所以自己投入音樂同電影，戲中暗戀陳漢娜，導演話我角色係一個毒L，所以唔敢去接近漢娜，想喺佢面前好型，但見到佢就不知所措。」林善本身懂得拉大提琴，他說：「開場有一段要拍我拉一首樂章，導演怕如果搵個唔識拉嘅會好假，所以揀咗我。」林善笑言，認同自己與角色皆是一個毒L。

林善於今屆金像獎憑《G殺》獲提名最佳新演員，他表示自己沒信心得獎，他說：「因為有好多強對手，始終自己經驗最淺，另外四位提名都係有演出經驗。」

陸駿光
髮型化妝： K_y_o_makeup
造型 : Cedric Lau

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb