當年今日

傳徐母怕愛女捱窮棒打鴛鴦
天明語子淇:愛情憑感覺

蘋果日報 2002/01/08 00:00


徐子淇和洪天明兩個月前分手,有傳乃因徐母不滿天明和女兒學歷和背景有距離,擔心子淇和天明拍拖會捱窮,遂干預二人交往。洪天明則表示過往曾送禮物給子淇,兩人去街亦多由他付款,並謂鍾意一個人最緊要有感覺。
日前《忽然1周》報道徐子淇在兩個月前跟洪天明低調分手,原因是子淇母親認為女兒和天明之間的學歷和背景有距離,子淇又不滿天明緋聞不絕。但據知,徐母擔心洪天明未能給她女兒豐厚的物質生活,認為天明非子淇的最佳選擇。

子淇前晚返英
子淇前晚與表弟一同返英繼續學業,徐母親往送機,洪天明則沒有出現。
記者昨日就有關傳聞致電洪天明,問他與子淇去街,是否由他請客,及可有送禮物給子淇,天明說:「我有送過禮物,但送乜嘢我唔會講,我唔知佢(徐子淇)想唔想俾人知。平時我哋班朋友出去玩,睇吓邊個想畀錢咪邊個畀,我多數都會請女仔,呢啲唔係話闊綽,朋友間咁熟都冇計。」
「keep住做好友」
天明續說:「有時傳媒失實報道,會影響我同朋友之間嘅友情同工作。」似在暗示他跟除母罵戰的報道,影響了他和子淇的友情,天明又說:「其實我唔會理呢啲報道,認識我嘅朋友都會清楚我為人,再係咁寫我點去搵個好女友?」
問天明是否很想找個女友?他說:「邊個唔想?我覺得鍾意一個人要憑感覺,否則呢啲唔係真正愛情。」那天明對子淇可有感覺?他說:「我對佢有好感,日後啲嘢唔保證,大家keep住做好朋友先。」
另外,子淇前晚在機場說:「我十八號又會再返嚟,要去內地拍嘢呀。」

徐母拒再回應
而徐母前晚送女兒機時,對於被傳她干涉女兒與天明交往一事回應說:「我哋冇因為件事覺得困擾,都慣啦,我哋同天明有溝通過,唔係事實嘅嘢唔會在意,成班都係好朋友嘛。」
記者昨日致電徐母,欲求證她是否怕女兒跟着天明會捱窮,徐母說:「我日前發嘅聲明已交代晒一切,件事亦應該了結,我冇嘢再講。」此外,李澤楷昨晚亦在機場出現。
採訪:比華利、卓寶花
攝影:黃文成