【職場慧眼】長通知期難搵新工?(張慧敏)
求職張慧敏職場慧眼通知期
「Son姐你好!我只係一個年資較多既Senior,唔係甚麼管理層,但係辭職通知期都要2個月。我唔敢裸辭目前已經做咗1年工作,去申請其他比較適合自己嘅工。之前去其他公司見工時,HR有解釋我雖然係符合哂所有要求,唯獨因通知期太長,就算去埋final in,結果都係失去被聘請機會。究竟我應該點樣去說服HR,去接受我通知期過長,並唔等於唔憂做,真係認真做事,我決定轉工面試,係認真搵食唔係玩?謝謝!」
老老實實,我完全不明白你所指的兩個月通知期,和會被HR誤會唔憂做、係認真搵食唔係玩之間有什麼關係。更加完全看不到會成為你搵工的絆腳石的可能。
辭職通知期要兩個月,不是入職之後才突然改變的條款吧?如果你真心認為兩個月通知期是新公司不聘請你的唯一理由,不是HR的藉口的話,那麼事情很簡單。如果你是一個不可或缺的人才,才不可失,新公司絕對應該願意幫你賠兩個月。如果情投意合只不過budget不合,一人賠一個月,或者一個月通知期隔一個月人工賠款亦得。退到最後一步,如果那是一份你夢寐以求的工作,表明心跡確實聘請你,簽了offering letter之後,你會自行搞掂了斷盡快上班。
整件事你根本捉錯用神,或是你最擅長不斷找理由藉口逃避面對你自己不濟的種種?重看你3月之前問我的處境處理問題,你不是說已經裸辭了,要從頭從新開始的嗎?原來你根本得個講字仍未走?你性格處事都有的問題,不是我在專欄三言兩語幫得了你的,如果不找出根源所在,徹底解決,你一直會繼續出問題。你需要找個有料的Career Coach幫忙指路,否則你這個盲頭烏蠅永遠走不出死胡同。
investMAN
For People of Style & Substance
掌握理財智慧 感受生活品味
http://facebook.com/investMAN.hk