李八方online︱羅健熙料成民主黨最年輕主席 副主席由林卓廷與兩乳鴿3爭2
蘋果日報 2020/12/01 19:11
羅健熙李八方online民主黨林卓廷
民主黨即將喺星期日（6日）舉行換屆選舉，提名期今日（1日）截止。主席一職只有南區區議會主席、現年36歲嘅副主席羅健熙報名參選，預料可以成功當選。至於副主席就由觀塘區議員梁翊婷、沙田區議員冼卓嵐，同啱啱辭任立法會議員嘅北區區議員林卓廷3個人爭兩個位。
據聞當日亦都會投票更改黨章，將中委會人數由30人改成25人，7名辭任立法會嘅議員中胡志偉、尹兆堅同埋林卓廷都有參選新一屆中委會。除咗一眾老鴿，剛當選民主青年主席嘅南區陳堡明、民主青年常務委員會鄭景陽、曾自鳴等7人都會參選，其中4人係競逐連任。
至於上屆秘書長張賢登、辭任議員嘅黃碧雲就唔喺參選名單，退下火線。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！