因為Maggie表面嘅瘀傷實在可疑,加上佢九唔搭八嘅解釋很難令人信服,希望佢唔係俾男友打啦。問佢係咪拍緊拖?Maggie話:「冇,我承受唔到呢種痛苦,就算拍拖係開心我都唔想要。」再問佢係咪俾人打?佢繼續亂噏:「可能練功整親,有好多可能性,女仔要練功夫防身,瘀傷好小事,可能煮嘢食揸刀整親。」
再追問Maggie係咪俾人暴力對待,如果係點解唔報警?佢先至肯答:「唔係今日發生,唔想搞大件事。」一時又話今朝發現瘀痕,之後又話唔係今日嘅事,唔知邊句真,見Maggie接受訪問時個樣好慘咁,點知佢一影相,又擺出鬼咁開心嘅表情,真係服咗佢。