【韓流】韓國Google熱搜2017 Sulli撼贏雙宋 金柱赫登榜首
Google宋慧喬Sulli孔劉
又到年尾,即係派發成6表嘅時間,當中日前香港Google就公佈熱門搜尋榜嘅名單,當中唔少韓劇同韓星都榜上有名(相關連結: http://bit.ly/2kA2mG2 ),至於韓國方面,雖然當地好多網民都鍾意用Naver,但Google仍然有一定捧場客。
而Google近日亦公佈今年最熱門嘅關鍵字,當中登上熱搜榜藝人冠軍嘅竟然唔係宋仲基同宋慧喬,或是車禍身亡嘅金柱赫,而係女團f(x)嘅前成員Sulli,認真爆大冷。Sulli喺韓國屬於是非人物,佢因為經常喺網上晒飛釘等性感照,而被網民炮轟,今年佢又夥拍男神金秀賢拍電影《Real》,在電影中更有全裸露點戲份,加上佢戀事多籮籮,令佢成功撼贏一眾當紅明星登上冠軍。
至於第二名至第十名就分別為金柱赫、因癌病離世金姈愛、金正民、孔劉、宋慧喬、金光石、TWICE、李琶膩及尹素貞。電視節目方面,冠軍同香港嘅韓劇榜一樣,由孔劉嘅《鬼怪》登冠,第二位係秀智同李鍾碩主演嘅《當你沉睡時》,其他上榜榜還有韓劇《愛情的溫度》、《三流之路》、《今生是第一次》、《秘密森林》、韓國綜藝節目《Show Me The Money 6》、《無限挑戰》等。
更多韓流,喺晒《娛果》
http://fb.com/appledailyent