金像影后茱迪科士打（Jodie Foster）唔單止好戲，最近佢積極發展導演事業都做得好出色，最近更為科幻神劇《黑鏡》（Black Mirror）第四季執導其中一個單元《天使方舟》（Arkangel），日前佢受訪就表示自己一直好想做呢種專題類電影，尤其係呢種講科技嘅作品：「科技本身就係一種搞亂咗嘅心理學，科技本身冇感情，所以可怕，當然呢套劇係放大咗佢可怕嘅一面。」《天使方舟》本身係講一個媽媽為女兒安裝儀器，以免佢走失，但變相變成控制佢。茱迪就話自己一向鍾意呢類主題：「我好喜歡探討親子嘅主題，我自己都有2個仔。」仲話自己愛上咗做導演：「一部分嘅我鍾意演戲，會問好多點解，但做導演時我只會問：我係邊個？兩樣我都好喜歡。」

更多娛聞，喺晒《娛果》
http://fb.com/appledailyent