朗尼今季「愛回家」，重返舞會愛華頓，表現回勇。除左暫時係歐洲五大聯賽嘅入球效率王，更加贏埋英超賽會頒嘅11月份最佳入球。

朗尼嘅得獎入球，就發生係11月29日，主場大勝韋斯咸4:0嘅比賽。當日佢除咗相隔6年後再次係英超連中三元外，仲把握住赫特出迎解圍，個波去到中圈，佢控都唔控就射，成功笠過哂韋斯咸球員，迎聲入網。難怪佢當日賽後都話，呢個入波，係佢職業生涯最靚嘅入波。

另外，愛華頓周四宣佈，成功同陣內三位小將，前鋒卡維特利雲，後衛賀基治同莊祖堅尼續約。領隊艾拿迪斯表示三位都係愛華頓青訓產品嘅典範。今季，卡維特利雲已經射入五球，而賀基治同莊祖堅尼都係「大sam」手下得到唔少上陣機會。

--------------------
球迷一定要知！英超一哥曼城，已經登陸『BFB』！登入即送藍月球星： http://bit.ly/2AAiPDS