「唔開心！」11.24何偉航當選西貢白沙灣區議員，當日「唔開心」的除了落敗的對手陳權軍，還有70歲的何媽媽。她說難明白兒子為何選擇從政這條崎嶇路，皆因在金錢世界中追求公義，談何容易？這位新手區議員說希望在4年任期內將西貢變得更美好，包括改善「塞車」等死症。當其他新手區議員急着「爭表現」、交成績，撐着枴杖的何偉航卻說：「我覺得第一年係probation。」光抱滿腔熱血不成，有些事情急也急不來。

記者：金敏琍
攝影：麥超億

何偉航的人生路，自兒時患上骨癌大難不死便顯得崎嶇不平，他的性格亦是「偏向虎山行」一類。記者找他拍攝溜狗片段，他二話不說撐着枴杖，拖着愛犬、帶着記者，走一條上山的長命斜路，斜得連狗也有點吃力，他卻樂在其中。

何帶記者回家拍攝，何媽媽得知兒子回來吃飯，即時在雪櫃取出食材，竭盡所能用食物傳遞母愛，「開心，老闆返嚟喎！」回想9月底偉航遇襲重傷，她說：「呢個仔，由出世到現在，擔心到今時今刻。」何媽媽憶述當時每晚替兒子洗澡，當看見兒子頭上9條蜈蚣疤痕，背部、雙手的傷勢，眼淚只能默默在心裏流，站在一旁的何偉航聽罷，垂首無語。

何偉航一直關注基層勞工權益、長者及弱勢社群問題，最經典是2013年協助葵涌貨櫃碼頭工人罷工，至今仍不時約「碼頭班兄弟」食飯聯誼、坐巴士又有車長熱情招呼；既是工黨常委、職工盟工會教育幹事、神的信徒及母親的兒子，新近更多了西貢區議員的銜頭。

問他那個身份最不稱職？對選民、對工人，他承諾做到最好；但他指自己不算是孝順仔，但「如果講咗嗰晚返屋企食飯飲湯，我會盡量做到。」

何偉航現時手部未回復百分百活動能力，上任在即仍努力找辦事處，但他說：「我唔係一定要有個辦公室先做到嘢。」展望未來：「我眼光唔停留喺白沙灣區，將軍澳我都有份，我希望上任後就住西貢區屋村外判保安員及清潔工待遇，我希望可以做多啲。」
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568