氣質港姐Kelly(伍樂怡)由參選到入決賽，一直係大熱門，外界估佢三甲必入，點知最終大熱倒灶，五強止步，由5號雷莊𠒇（Juliette）做雙料冠軍，唔少網民都問點解佢當選，咁落選嘅Kelly都好多謝大家支持同鼓勵，Kelly直言：「我冇失望，就算我輸咗都有咁多人支持我嘅朋友，所以冇特別唔開心。」(新聞連結： http://bit.ly/2wInfWO )，至於網民最關心Kelly會唔會同TVB簽約?Kelly就話：「呢個問題幾好，我唔知，要睇下之後嘅路點行。」

對於連日網民戥佢唔抵，輸俾5號雷莊𠒇（Juliette），Kelly今日喺Ig寫出千字文話呢幾日仲收到安慰嘅信息，知道賽果可能令關心佢嘅人都擔心，所以想在此同各位交代一下。

Kelly喺加拿大出世，之後返嚟香港，直至5歲再返去加拿大，2016年先返香港做嘢，Kelly講到今次返香港，生活上真係起咗好大變化，令佢漸漸體會到人生新階段嘅開始，由一個平凡女生變成公眾討論嘅對象，但Kelly坦言係心甘情願想試下行嘅路。

「對我而言，這場選美的比賽是一種經歷，對我人生新開始的一個階段和過程。說實話，賽果讓我感到意外，但我也明白自己的不足。當然，我也有我的不開心，讓在場的父母看著我落選也不好受。只是我確實是沒有對自己失望，因為我很清楚自己的付出。而我的回報，是每一顆支持我的心，我輸了場比賽，賺到的卻遠比我失去的多。所以，打從心底裡，我真的很感謝每一個認同和支持我的你們。」

「每一天都是個新開始，一個重新出發的機會。人生有好多交叉點，但從來沒有一個絕對正確或錯誤的選擇。人生百態，本來就沒有百分百的事。當環境事情都改變不了，唯獨心態是能改變來應萬變的。每次的成功或失敗都是學習提升自己的機會。遇上挫折更不能浪費時間原地踏步，更需要往前走。」

Kelly喺Ig訴出心聲，除咗想分享俾身邊嘅朋友知，亦想俾自己一個提醒，希望住後嘅路，都可以抱住呢一顆心走落去，「慶幸我今天的故事裡，有你們。希望往後有機會再見」，更打hashtag問網民睇得完未，寄意人生總之知足常樂。