身兼父母角色的二十歲少女阿雲，雙親三年前先後因癌病去世，遺下她與現年九歲弟弟恒仔相依為命。此後，阿雲便在突破青年村居住，而恒仔則由社署安排入住寄養家庭。近日姊弟喜獲分配公屋單位，終可團聚。惟兩人生活貧困，無力繳付搬遷費用。

「爸爸媽媽死嗰陣時，最唔放心細佬，我答應過佢哋一定會盡最大嘅能力照顧佢。遲啲可以同細佬一齊住，照顧佢嘅生活，梗係好開心；但好憂慮將來嘅經濟開支，𠵱家每個月嘅生活費都係啱啱夠使，若果要儲幾千蚊搬屋用，起碼要儲大半年。」就讀中七的阿雲歎道。

雙親俱癌病逝世
阿雲的母親在九九年因胃癌病逝，一年後，爸爸亦不幸因肺癌逝世，剎那間，年紀輕輕的阿雲姊弟便要面對雙親去世的打擊。
在社工的安排下，阿雲入住突破青年村，而恒仔則居於寄養家庭，姊弟依靠綜援金維生。為了增進與弟弟的感情，阿雲每逢周末都會接恒仔到中心宿舍留宿。
近日，姊弟喜獲分配公屋單位，終可團聚，惟阿雲憂心忡忡地道：「𠵱家屋企乜都無，連買最基本嘅電熱水爐同埋煤氣煮食爐，都要成幾千蚊，我邊度有能力買！」
就讀小學三年級的恒仔，知道很快便與家姊一起生活，一臉害羞地說：「開心……我好想見家姊多啲！」