姚嘉妮想生老鼠仔

蘋果日報 2007/04/30 00:00


姚嘉妮和汪圓圓前晚在尖沙嘴擔任婚紗模特兒行天橋,姚嘉妮的丈夫林祖輝也有到場支持,問已婚的姚嘉妮再穿婚紗有何感覺?她笑說:「女仔係貪靚㗎啦,有咁多鑽飾配襯,着婚紗好開心。」問她會否相隔5年或10年再跟丈夫拍婚紗照?嘉妮說:「結婚儀式一生人一次就夠,或者到時會影全家福,唔會再影婚紗相。」
積極減肥
姚嘉妮透露自去年結婚至今,體重增加了10磅,目前要積極減肥。提到何時跟林祖輝生小朋友,她說:「有咗BB好多嘢都唔做得,唔可以打羽毛球同食自己鍾意嘅嘢,不過祖輝屬蛇,或者生個屬鼠嘅小朋友,咁咪蛇鼠一窩。」明年是鼠年,她言談間似暗示已計劃明年生小朋友。
採訪:張俊銘
攝影:仇志德
empty
汪圓圓穿上婚紗行天橋,亮麗動人。