皇家馬德里日前同球隊中場艾斯高續咗一張五年長約，呢位西班牙國腳就自爆佢點解續約銀河艦隊。令人出奇嘅係，呢位西班牙國腳續約皇馬嘅原因，竟然同呢隊波無直接嘅關係，仲搞到前巴塞隆拿教練安歷基躺著中槍！

艾斯高承認巴塞真係有接觸過佢，但自己就一路當係耳邊風，因為自己唔想學似安歷基當年咁樣，等到同皇馬約滿後，以自由身過檔巴塞喎。巴塞一直希望艾斯高唔好接受皇馬提供嘅新約，咁就可以好似當年咁重施故技，喺死敵手上撬走一位球員，不過艾斯高就唔buy呢一套，搞到巴塞嘅如意算盤打唔響，仲燒埋安歷基果疊添！