特首林鄭月娥安排律政司司長鄭若驊及保安局局長李家超見記者,就《逃犯條例》修訂見記者,正當不少人相信「多多少少有啲讓步」,怎知兩人將所有修改方案也丟落垃圾桶。有政界中人指,早前《基本法》委員會成員陳弘毅提出修改建議,對特區政府「殺傷力」遠高於民主派,不少保守專業甚至商界人士也認同陳觀點,「林鄭連陳弘毅建議都丟落垃圾桶,令更多原本唔公開反送中例嘅人,下次會上街反對」。
該政界人士指,陳弘毅不同於民主派,不少較保守專業及法律界中人也認同陳觀點,「陳弘毅以前喺政改等問題提出嘅意見傾向支持政府,唔少保守嘅人會比較接受佢嘅法律觀點」,現在連陳弘毅也認為《逃犯條例》修訂有可修改之處,但林鄭卻完全不理會,「令好多原本未必信泛民、大律師公會嘅人都覺得,連陳弘毅提出建議都丟落垃圾桶,仲點信你政府」。