【希望香港光復】達明一派原本今晚開騷 黃耀明獨腳Live奉獻靚聲
黃耀明達明一派香港光復
達明一派原本在今晚開騷,不過因為武漢肺炎疫情而延期,黃耀明昨日預告開live唱歌與fans見面。明哥今日兌現承諾開live,不過就不見劉以達,明哥解釋說:「本來想搵劉以達嚟,但噚日先決定呢個live,佢今日個胃好痛,同埋佢住比較遠,要搭好耐車先嚟到,佢又話好早瞓,10點鐘到就瞓,要講聲抱歉。」明哥又說如果今次live的效果良好,過一、兩個禮拜可以再做。
明哥在live透露,公司與蘭桂坊好近,知道該處有不少樂手確診,戥他們擔心:「好為佢哋擔心,知道佢哋係菲籍樂手,香港樂壇係好靠佢哋支撐,佢哋好多時候都係自由工作者,希望政府幫下佢哋,好多時啲政策都未必可以受惠。」明哥又留意到有說法指疫情過後會有復仇式消費,他指聽音樂係不需要復仇,可以上網繼續支持付費音樂,回復正常後又可以買飛入場。明哥又提到,早前演藝發展局補助藝術團體,但個體工作者好難受惠,知道好多教樂器的人已經冇嘢做。
今日林鄭宣佈新措施,後日起不能多過4人聚會,今次開live只有大愛同盟的梁奕輝、人山人海蔡一才,他們笑說相當安全。明哥在live結束前,亦感言:「希望我哋好快再見,希望香港快啲光復,希望香港快啲康復。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》