立法會昨討論在《僱傭條例》修訂案中加入男士侍產假，給予男士三天侍產假，放假期間可支取八成薪酬。反對立法的飲食界張宇人指，政府正審議修訂的《婚姻條例》，容許完成變性手術的人士，根據其身份證上之性別註冊結婚，質疑日後設立的侍產假，是否會包含「變性」因素，「兩個女士，一個女士大咗肚，生咗，不過我轉咗性變咗男人，我都有侍產假喇喎，不必係我經手」。人民力量陳志全即時反駁：「如果佢係女人，佢係可以攞產假，佢係『前四後六』㗎，佢唔會專登變性，再去結婚，再叫老婆有咗，去呃你三日假囉！」
另外，職工盟4至5月期間，訪問約160名有子女及有工作的婦女。調查結果發現，過半數受訪者認為無託兒服務嚴重影響生活，其次嚴重的是職業勞損及長工時。職工盟建議政府推行全面託兒服務。