當年今日
關於我們

【媽媽唔易做】鍾麗淇為女兒入特殊學校開心到喊 Ana R.封肚拒生No.3

蘋果日報 2019/06/24 17:00

鍾麗淇AnaR基因病四號染色體缺損綜合症罕見

鍾麗淇與Ana R.今日到銅鑼灣出席卡通音樂劇的記者會,其中Ana R.素顏現身,她更帶同將於大後日(27日)1歲生日的兒子Ryan出席活動。
鍾麗淇提到自己的大女Isabella因為患有罕見的基因病「四號染色體缺損綜合症」,所以很多人眼中會覺得她在日常照顧女兒時會很辛苦,但鍾麗淇說:「只要你知道自己嘅目標,keep住正面啲去睇,其實都唔會好辛苦嘅。」而近日更發生了一件與Isabella有關的開心事,鍾麗淇說:「囡囡等咗5年,終於等到香港唯一一間用英文授課嘅特殊學校收咗佢,嚟緊8月就會返學!當日自己收到電話時,自己(開心到)坐喺屋企度喊,因為作為父母,都希望畀到最好、最合適嘅嘢畀自己嘅小朋友。之前其實都有搵過其他學校畀囡囡讀,但係當知道囡囡可以入讀到呢間學校之後,就覺得個心可以放鬆好多,好多小朋友普遍都係要等4年左右,所以對於我嚟講(等5年)都係幸運,都算快㗎喇。」
被問到暑假節目,鍾麗淇透露將會同老公二人世界去旅行,她說:「因為結婚8年以嚟,未試過兩公婆一齊去旅行,以往大家都唔放心個女,所以總會有其中一個留喺屋企。」不過今次全靠家人支持,才促成鍾麗淇與老公的結婚周年慶祝之旅,鍾麗淇更透露:「老公book咗5日4夜,個resort講明唔畀小朋友去嘅,令我哋叠埋心水一定要放低小朋友去,不過我估自己會好掛心,但係而家有facetime,希望到時唔好太掛心。」
至於同場的Ana R.就透露明天會為兒子舉行生日會,並會準備蛋糕及玩具給兒子做禮物,Ana R.說:「覺得自己好幸運,因為2個小朋友都好乖,好肯食、好合作、好聽話,我係個好lucky嘅媽咪。」問到她的大女Maya會否呷醋?Ana R.謂:「唔會喎,2個相處得好好、好融洽,仲成日一齊玩,連老公都話好lucky,生咗2個小朋友都乖,提議嚟緊再生No.3,但我斷然拒絕咗個要求,因為我已經有一女一子,已經非常之幸運,所以唔需要再多一個。」一講起Ryan,Ana R.便滔滔不絕:「佢平時最鍾意係食,見到人哋攞住啲嘢食,佢就會靜晒,當佢想扭計時,只要一攞嘢食,就會stop同好合作。而且囝囝好吸收,而家已經12公斤(約26.4磅)重,家姐都只不過重少少,得15公斤(約33磅)。(囝囝似邊個?)眼睛似自己,輪廓似爹哋,一半半,個女偏似自己多啲。」
-----------------------------
7月4日起 《蘋果動新聞》只限升級壹會員閱覽
繼續撐蘋果!
https://hk.adai.ly/e/iIRREmuwDX
empty
鍾麗淇稍後將與老公二人世界外遊。
empty
Ana R.指自己最愛食,有食物在手,兒子就會變得聽話。
empty
Ana R.指老公想追第3胎,但她拒絕了。