日本TBS電視台起用36歲巨乳女星小池榮子擔正10月新劇《戀上香港》，同劇仲有上位型男吉澤亮、22歲巨乳索女馬場富美加、人氣組合電波組.inc前成員最上Moga等，電視台拉大隊為劇集來港取景，全劇共4集嘅所有戲份都會喺香港拍攝。

《戀上香港》係講述吉澤亮飾演嘅山田健太，擔任電視台導演被派到香港工作，巧遇從日本來港嘅小池榮子，繼而譜出一段相差13年嘅姐弟戀。

電視台拍攝大隊已經抵港，今日就喺官方Twitter公開現場花絮，可以見到飾演電視台幕後嘅馬場富美加，同扮神秘藝人嘅最上Moga已經在中環埋位，適逢中秋節臨近，背後還掛滿中國傳統燈籠。至於馬場富美加都有喺Instagran公開香港照，佢身處南山邨取景，仲嗌好熱。

另外，尊尼組合Kis-My-Ft2成員北山宏光亦被目睹出發到香港，據指係為組合下月首播新節目取景。