顏仟汶今日在深水埗出席活動，對於她早前在社交網發絕交聲明，聲稱受到詹秉熙太太的電話騷擾，嚴重影響其精神及生活（新聞連結： https://bit.ly/2KjrMan ），她表示：「聲明已經出咗，唔想再就佢哋嘅嘢回應。」問她有否跟詹秉熙講過被詹太電話騷擾？她說：「我覺得唔需要講，至於內容亦唔會公開，某程度上我覺得保護咗自己先。」有沒有受到人身攻擊？她想了一想，只謂：「唔講喇，我要講嘅嘢，喺聲明度講晒。」

對於昨晚有報道指詹太表示離婚一事已交由律師處理，顏仟汶說：「我噚晚睇新聞先知。」對於被指是第三者，顏仟汶稱已在聲明中說得很清楚，但提到被指「搶人老公」，她即說：「我而家係單身喎，我冇同任何人一齊，都係嗰句，聲明已講晒我想講嘅嘢，佢哋嘅嘢，我唔想再牽涉入去，有啲乜嘢就問番佢哋。」

如非事實，會否覺得好無辜？她說：「我成日覺得食得鹹魚抵得渴，做得呢行冇辦法，解釋唔到咁多，我只會做好我工作。」會否怪詹秉熙處理得不好？她說：「我出聲明嘅時候，我已經放低晒，誰對誰錯，完全已經放低。」現時詹秉熙與太太離婚，她又能否繼續跟詹秉熙做朋友？顏仟汶搖搖頭說：「佢離唔離婚已經唔關事，我哋已經唔係朋友。可惜？冇辦法，做朋友，某程度我都有底線。」

顏仟汶直認與男性朋友向來玩得好癲，故此才令人誤會，「所有朋友都叫我做兄弟，我係比男人更男人，我咁多個男性朋友都結晒婚，有太太，我哋仲好好朋友，但個別例子，我真係唔想講，唔想再去發酵，將來有咩人喺我身邊，甚至我係咪一個人，大家會睇到。」

會否想快點找個伴「脫單」？現年42歲的顏仟汶說：「我暫時係空，真係淨係想做嘢，我之前太不切實際，而家想追番自己想要嘅生活，我目標好簡單，就係生BB，但而家去到呢個階段，我諗都冇乜可能性。」被指是第三者，不擔心影響工作？她說：「而家嘅社會將好多負面嘅嘢發大得好犀利，可能呢單有新聞價值，都係嗰句，大家睇囉！」

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】繼續撐蘋果
請往蘋果日報網站了解更多