簡先生為元朗紅棗田村原居民,他指,該村過去為農地,二十多年前開始,村民陸續申請將農地改建村屋。他說,其隔鄰業主二十多年前已搬離,留下一片荒廢空地,荒地旁一道約三呎闊通道,是他一家人出入該村的唯一通道。
約一年前,荒地業主向地政署申請改建丁屋,並獲批准,但在工程大致完竣時,他赫然發現丁屋外加建一幅護土牆,將他使用了二十多年的通道一併圍入丁屋範圍內,並裝上大閘。
通道突被封上鋼板
簡先生說,他恐如此一封,日後無路可行,向地政署及民政署反映,經兩部門斡旋下,業主口頭承諾一定會「留番條路」。可是去年底丁屋取得入伙紙後,業主不但在前門加閘,亦在簡先生一家人外出時,將接連簡先生屋宇後面通道,亦用鋼板封上。
「我哋返到屋企至發現成條路封咗,冇得入屋,於是報警,個業主都唔理,喺警方協調下,問隔籬屋借條路行,𠵱家每日都要入咗人哋間屋,或跨越矮牆至可以返屋企。」
簡先生說,他不斷向地政署投訴,但佢話「做唔到嘢」。「地政署真係好唔負責任,批准起丁屋時,有咩理由冇要求留番條路,𠵱家路又封咗,業主唔理,佢哋又唔採取行動,叫我哋一家人點好?」