美劇《摩登家庭》(Modern Family)女星Ariel Winter,最近單監護權官司總算告一段落,所以心情好番好多。早前佢帶埋姨甥女Skylar去咗洛杉磯一個公園玩,Ariel仲抱住姨甥女一齊玩滑梯,得14歲嘅Ariel非常貪玩,同姨甥女玩到不亦樂乎。唔知係咪條滑梯又高又長仲好斜嘅關係,Ariel上到去竟然仲驚過姨甥女,猛咁用手㩒住條滑梯邊,諗住唔會滑得咁快,驚起上嚟仲用腳頂住條梯㖭!相反小妹妹就定過抬油,笑到見牙唔見眼。可能驚得滯唔想玩,Ariel帶姨甥女去搵番Ariel家姐,佢姨甥女見冇得玩仲扁嘴㖭!