38歲的鍾欣潼（阿嬌）自從去年跟賴弘國婚後，外界一直關心他們的造人大計，日前阿嬌於大陸長沙出席活動時，穿上超鬆身衫，被指孕味濃。阿嬌今日到中環出席活動時，繼續穿上鬆身連身裙，並否認懷孕傳聞，稱只是身形發褔：「冇呀，減肥都要時間，畀啲時間我，而家開始減緊，不過唔係一時三刻減到。」更直言自己現在身形屬又肥又腫。

問到是否BB未夠3個月怕小器？阿嬌沒好氣地說：「唔係呀，近來好忙要努力減。」問到實際造人大計？她稱要看緣份：「暫時唔係我哋計劃之中。」講到身邊人都很戥他們心急，阿嬌稱：「我哋唔心急，淨係心急減肥，呢啲慢慢嚟啦。」又解釋在長沙被拍到疑似孕照原因：「張相係Fans影，嗰日喺長沙好凍，我冇執行李，淨係得件冷衫所以就照着。」言下之意是一場誤會。

問到經常被傳懷孕，老公有何看法？阿嬌說：「真係反眼，佢聽到後有問我係咪要一齊做運動，其實佢同我都一齊肥，佢先係孕味濃。」然後又提到自己早前接受「雪卵」後成效不佳：「抽完好似冇抽過，抽得三粒，係好少嘅數量，而且唔會再考慮再抽因為好辛苦。」

講到好姊妹容祖兒被拍得跟有婦之夫晚飯，阿嬌話：「朋友啫，我都有同男仔食飯。」早前幫祖兒在大陸的金童玉女廟點燈求姻緣，問到是否覺得未見成效？阿嬌笑言：「畀啲時間啦，識男仔都要時間嘅。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV