訊匯證券行政總裁沈振盈指，相信大市「唔止反彈咁簡單」，股市有機會繼續「拾級而上」，因為之前為市場忽略的股份都開始炒上，例如中資金融股都被推上，相信指數調整已經完成，但再上仍要看恒指能否破22500點，料下周走勢會跟今周類似，「升啲回啲」，他又指，相信騰訊（700）仍有得再升，但以升幅計值博未必及其他股份，只是該股勢強較為穩陣，料相關科網股、騰訊相關股、手遊股可以繼續炒作，多人入場一定有波動，相信下周仍會繼續炒中資金融股，主題以大價股為主，正「蓄勢待發」，繼續挾指數。沈大師又指，細價股雖然今日現炒作，但「唔知開邊隻」，有一定難度，可以留意異動「一郁就跟」，睇技術走勢決定入市，長揸則無法知道有否消息跟尾，但短炒應無問題。