韓國神劇《太陽的後裔》嘅宋仲基同宋慧喬將於下月31號結婚，兩人繼飛到美國拍婚紗照後，日前又被捕獲喺巴黎預支蜜月，雙宋仲大方與同鄉影合照，喬妹更被拍得腹部微隆嘅照片，即時惹大肚疑雲。

原來雙宋已結束巴黎浪漫之旅回國，有網民就指今日凌晨兩人喺梨泰院附近嘅一家餐廳開餐，店家上載兩人嘅簽名照，又留言：「馬上要結婚嘅宋仲基同宋慧喬情侶，謝謝你哋光臨本店。」雙宋亦合拍留言話「請幸福」，認真合拍。