招積域：我輸到冇晒心機，今個星期都係唔玩住，再唔係就買個車仔單W，求個好意頭。
侍仔：車仔贏硬嘅咩？
林伯：你唔係以為查爾頓可以偷雞啩？車仔喺聯賽輸親都唔係對手勁，只係自己失準，查仔真係等被炒都似。
侍仔：阿伯，車仔新兵都仲未夾熟，𠵱家唔敲冷門等幾時？
林伯：人各有志，你要輸錢我唔阻你。俾多場你玩，英冠聯西布朗波膽「主其他」。
招積域：乜你咁堅呀？我就唔跟你買啦，不過同你對賭都仲可以。
侍仔：你憑咩叫人要「主其他」？
林伯：同你一樣係靠估囉，查爾頓上季作客贏得5場，10月中之後就一直未贏過，你竟然仲敢買查仔贏，你唔係靠估係乜？
侍仔：買冷嘢當然靠估啦。
林伯：你真係敗家，專門倒錢落海。
高洛文