【夾到時間就約】馮盈盈攬攬江嘉敏破冰 生日飯吊猷亨胃口：我張waiting list好長
蘋果日報 2020/06/15 18:43
馮盈盈江嘉敏
馮盈盈日前被爆與何猷亨出席豪華船P，又搬姊妹江嘉敏上水做擋箭牌，之後江嘉敏在IG出post大有弦外之音，例如「係咁畀人拖落水陰功」、「說話唔能夠亂講尤其係大話」、「真係知人口面不知心」。
兩人當然極力否認不和，直至今日兩人終於同場為活動宣傳，並一齊受訪。馮盈盈開口就非常官腔：「啊！今日一齊做訪問，唔係呢個目的（破冰）。因為冇呢件事（不和），今日大家一齊工作，一齊做訪問都好正常。唔需要大驚小怪！」江嘉敏附和：「我哋都唔係第一次一齊做訪問啦！哈哈！」但問到IG幾個post有咩意思，她說答得隱晦：「其實都冇咩特別，喺自己嘅世界渲洩自己情緒都係好正常嘅事。」講到船P最初是邊位開聲約人，馮盈盈繼續避講：「如果過咗去嘅事，都等佢過去。」
馮盈盈剛剛過了26歲生日，馮盈盈說生日好多人約，又說：「我覺得要試吓畀多啲時間自己沉澱，唔同朋友仔又要工作，要約時間唔使急。」至於會否約何猷亨，她又官腔說：「啊！如果你提到何生，我哋都只係普通朋友。多謝好多朋友約我生日，要一視同仁，張waiting list比較長，無話特別要優待邊個，總之夾到時間，有機會就睇吓點。」而江嘉敏就答最近朝早下午都要拍劇，不想隨便約生日飯，之後一定會補祝。
馮盈盈攬攬江嘉敏破冰。
兩人一齊受訪，江嘉敏說一定會再約馮盈盈食生日飯。
馮盈盈之前被爆與何猷亨出席豪華船P，她解釋只是普通朋友。
其後江嘉敏開post，似有弦外之音。