當年今日

曳學生驚動反黑組
華仔唱好老師贖罪

蘋果日報 2006/09/04 00:00


劉德華扮演過不少蠱惑仔角色,原來他求學時曾被老師誤會是黑社會分子,被召與反黑組警員會面。華仔表示他當年只是頑皮,絕不是壞學生。他還將新歌《模範生》送給教過他的老師及全港教師,感謝他們的貢獻。
劉德華昨日在大埔超級城舉行簽唱會,吸引近3,000人圍觀,要勞煩警員維持秩序。華仔除與歌迷玩遊戲外,還一口氣唱出多首新歌,當他唱《模範生》時,大班學生在旁高舉「老師加油」的紙牌。
偷偷篤波記過
華仔表示將這首歌送給所有教師,勉勵他們要加油。他又透露求學時不是模範生,更曾被老師誤會是黑社會分子,還被反黑組警員召見「傾偈」,華仔說:「我仲試過俾學校記大過,因為偷偷哋去咗篤波,其實嗰時我都幾唔鍾意個訓導主任,佢就好似套日劇《女王的教室》入面個女教師咁。不過諗番起,佢都係為我哋好。」
華仔笑說:「我以前同六個男同學加埋,合稱『七劍俠』,我哋專門保護女同學,唔畀佢哋受到其他學校嘅男仔欺騙感情。」就是可能「七劍俠」太出名,令人誤會他是壞學生。
約飯敍謝恩師
華仔透露最近致電多位曾教過他的老師傾偈,並打算相約他們食飯,他說:「佢哋個個都好驚訝,因為我好耐冇搵過佢哋,我仲打算遲啲返母校做探訪。」
採訪:胡比
攝影:仇志德
empty
華仔近日致電多年沒聯絡的老師,令對方十分驚訝。
empty
面對可愛的小歌迷,華仔(左)即做出趣怪表情。