馬會今日（29日）宣佈三駒退役，為韋達馬房「興爾」、呂健威旗下「龍之星」，以及受訓於高伯新馬房的「四千金」。

其中，最有名氣的肯定是六歲「興爾」，事關其父親是歐洲不敗馬王「范高爾」，更是首批來港服役的子嗣，當時備受期待，惟跑足季半轉過苗禮德及蘇保羅兩個馬房，一直未能贏馬。

最終今季牠落入剛開倉的韋達手中，首戰谷戰1650米即勝出，其後在去年12月再於泥地1650米報捷，為十三少省靚招牌。

可惜上仗再戰同班同程卻末段冇力跑尾二，賽後被馬會評為「表現難以接受」。

之後晨課亦見甩甩漏漏，幕後只好選擇退役，但據悉當時馬主花近1,000萬購入，在港27戰只累積總獎金為2,830,150元。換言之，其馬主未能回本離場。

另外，五歲「龍之星」最近連續兩場因右前腿不良於行退出；七歲「四千金」傷患紀錄更高達九項，不過牠們都曾勝出，總算在退下火線前有所交代。

-----------------------------
【馬後炮】Dylan要插田泰安「翡翠精選」騎得曳！陳華棟指「幸褔笑容」打吡穩勝！？
Dylan同棟哥繼續「有嗰句、講嗰句」！
-----------------------------
【獨家】唔睇唔知時運高！？即睇玄學女神唐碧霞講鼠年十二生肖運程
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-------------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇