旺角法輪功街站 再遭人搗亂破壞
前日曾遭惡徒搗亂刑毀的法輪功組織旺角街站,今日再一次遭人推倒多個宣傳橫額搗亂破壞。下午2時許,位於旺角彌敦道664號惠豐中心對開的法輪功組織街站,多個擺放在現場的橫額及旗幟,被人惡意推倒,義工發現後報警,警員到場調查時,兇徒已逃去無蹤。
前日遭刑毀的兩個法輪功街站,分別位於旺角彌敦道664號惠豐中心對開及西洋菜南街與豉油街交界位置。街站義工陳太表示,前日下午午12時50分許「有個男,30歲到啦,喺彌敦道方向行入嚟豉油街,跟住就起腳踢個展板,然後用手推,一直推,推冧晒呢啲展板,啲旗倒晒,跟住向亞皆老街方向行,跟住整亞皆老街檔法輪功。我睇佢係一班人,幾個喺度錄影,有個男喺嗰邊,呢個呢一直係咁踢,踢完就同嗰個男拍拍膊頭,一直向嗰邊去」。
陳太表示全程得一名男子逞兇,「一句嘢都冇講,跟住我用手機錄,跟住就報警,警察都好快嚟到」。陳太續稱,街站經常受到不同方式的滋擾及破壞,平均一個月一次。
-----------------------------
-----------------------------
-----------------------------