屯門青大石澗大自然美景原本令人賞心悅目，卻被大叔用石屎僭建大煞風景，變得不倫不類。環保人士斥責大叔行為極度無知和自私，更擔心對大自然生態及地貌造成永久破壞，難以復原，直言「勸佢收手」。

綠色力量總監鄭睦奇批評涉事大叔做事魯莽、自私，「係上一輩人心態，覺得大自然嘅嘢可以想用就用，想法好落後，亦涉及社會公德問題」。他直斥用石屎故亂改變自然環境，後果嚴重程度難以估計，不但建造時會污染溪水，亦可能改變原有河道，一旦大雨時水位上漲，水流或流向附近原本生有植物或植被的地方，造成侵蝕或破壞。

綠領行動總幹事何漢威稱，現場青大石澗被人用石屎填平作石屎長凳的地方，原本是石澗旁邊大石，石縫之間是不少水中魚類、水生昆動及兩棲動物的棲息地；一旦石屎化將天然大石封填，「冇咗石縫可言，則等同破壞呢啲生物嘅棲息地同孕育場所」。

對於附近土地同被人擅自開墾耕地，何估計期間需經過砍伐樹木，「有可能雀鳥同昆蟲棲息地無咗」，又指「梯田範圍都幾大，令原本泥土上正常有嘅植被都無埋，恐怕落大雨會造成水土流失，嚴重更可能出現山泥傾瀉，估計十年八載都未必生返啲灌木植物」。他認為無論目前破壞的情況如何，被改建的地方都必須還原至本來面貌。

-----------------------------

你敢爆，我敢獎！ 立即Signal 63836568、WhatsApp 《蘋果》24小時爆相爆片熱線

或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！