股神畢菲特早排批評美國稅制優待有錢人,令佢哋要畀嘅實質稅率,仲低過窮人。
畢菲特自爆:「我嘅稅率,甚至低過我個秘書同清潔工人。」佢又不滿共和黨建議撤銷遺產稅,認為咁樣只會變相加重窮人稅務負擔。
網友wiseman69大呻:「超過五成美國人每年賺少過3萬美金(大約23.4萬港元),但佢哋嘅實質稅率竟然仲高過有錢人。計我話,有錢人應該交多啲稅,中下階層就應該畀少啲。」
DJaeger亦贊成向有錢人加重徵稅,但認為好難界定點先算有錢,「一個退咗休嘅寡婦,銀行存款有幾百萬美金,算唔算有錢?佢應唔應該同有錢女ParisHilton一樣畀咁多稅?我就認為唔應該,因為呢個寡婦可能冇其他收入。」