【傘運5周年】Tommy入紙伊館踩林鄭場真對話 聽3千人吶喊聲響透
蘋果日報 2019/09/28 21:30
政總阮民安林鄭伊館雨傘運動傘運5周年
攝影：陳俊強
阮民安（Tommy）5年前於政總見證「雨傘運動」第一枚催淚彈，今晚他再歸來跟香港人參與民陣舉行9.28集會，於金鐘夏愨道接受訪問時，他說：「當日我自己一個人落嚟，當時催淚彈好大件事，5年後今日差佬已經進化晒，基本上得閒就放下；香港人亦都進化，人更多，決心更大，訴求更清晰，唔會再係一、兩粒催淚彈就耍走我哋，唔會打擊到我哋打倒極權信心。」
現場不少人都跟Tommy打氣，大叫「國泰民安」及「Tommy I Love You」，每一把聲音都令他真切感受到香港人的團結，真正的獅子山精神，這是6.9至今香港人、全世界人也感受到。正如他表示中秋節在東京工幹時，都感受到同樣的暖，他說：「9月13日想回應中秋人鏈，我就聯絡日本香港人，好遲先講，估唔到喺澀谷街頭有200、300人，有啲工作、有啲讀書、有啲移咗民10幾年，仲有廣州人話未見過咁多香港人同一時間出嚟去做一件事。」
對於林鄭到灣仔伊館跟150人對話，Tommy覺得一個3,000人的場館搭了150人小舞台，都知道對話作用不大，看到的也是錄音機式回答，甚至見到一些發言人也是他們的自己人，他說：「好簡單，林鄭想知訴求，行出門口就得，唔使點幾走後門，妳直情9點行出去就聽到全部真正訴求，其實行出大街小巷就得，假設妳夠膽。」稍後他舉行音樂會地方正是入紙伊館，他說：「唔知批唔批畀我哋，有好多真香港人支持我哋，林鄭畀150人，我哋畀夠3,500，入嚟喊，入嚟點訴求都得，同林鄭有啲唔同。」
提到臨時警務處副處長（特別職務）的劉業成在上周四（19日）向警隊內部發信，指警察被抹黑為「黑警」，是世界上最大的陰謀和謊言，形容是「被陷害」，Tommy覺得成立獨立調查委員會，是真正能夠還警方清白，他說：「竟然佢哋仍然覺得呢兩個字（黑警）對佢哋係侮辱，都唔需要用正常思維去諗，因為好正常思維係要成立獨立調查委員會，佢哋好似活喺另一個平衡時空，點講道理，我哋用行動話畀佢哋聽，我哋係唔驚唔怕，不畏強權。」
採訪：馬建華
阮民安5年前見證政總外發射第一枚催淚彈，5年後警察已經是放完又放。
林鄭在伊館跟150人對話，Tommy入紙伊館舉行音樂會，他說：「我哋畀夠3,500，入嚟點訴求都得，同林鄭有啲唔同。」
Tommy覺得成立獨立調查委員會，是真正能夠還警方清白。