李冰冰、MandyLieu、周汶錡、趙茜、AnaR.同Rosemary等，噚晚喺中環出席意大利鞋履品牌GiuseppeZanottiDesgin20周年慶祝派對，一班模特兒着到鬼火咁性感，而壓軸嘅冰冰就比較密實，冰冰仲由鞋王傍住出場，凸顯佢國際女星嘅地位。

冰冰話今次會嚟香港幾日，佢話：「會留幾天，香港那麽多好東西買。」記者就問佢會唔會去旺角同金鐘？身邊嘅公關即刻擋駕話：「佔中嘅嘢唔答。」

冰冰大讚香港好，但係講到佔中就即刻收口，之後冰冰就話會周圍行街，去買鞋，仲賣口乖話：「我每次到那裡都會買這品牌的鞋。之前做《變形金剛4》宣傳，都有着他們的鞋，我跟設計師認識了很多年，他是世上最疼女人的男人。」

冰冰透露新年有一部飾演幽靈嘅電影上映，佢仲大讚自己從未演過咁靚嘅角色。

同場嘅Mandy着住件絲質低胸喱士吊帶裙，超級性感，記者笑佢着內衣出現？佢就話：「裡面有內衣，你哋好有幻想力，返屋企可以試。」Mandy透露嚟緊會抽時間返家鄉馬來西亞探望姪仔。