韓國網紅楊藝媛嘅不雅照片早前於色情網上曝光，佢拍片公開自己曾受性騷擾一事，指三年前應徵模特兒工作時被迫拍下淫照，前後被迫拍咗5次。當時有網民喺青瓦台請願網頁發起請願行動，連「國民初戀」秀智亦於網上公開聲援楊藝媛。

不過秀智之後發現請願申請中提到嘅Once Picture攝影室早已變更負責人，目前攝影室嘅負責人並唔係涉案時嘅攝影室負責人，秀智更就事件Instagram發文道歉，不過攝影室表示將追究秀智嘅法律責任。

今日就有報道指，Once Picture已於上周一提交損害賠償嘅民事起訴書，起訴秀智造成工作室名譽損毀，而首爾南部地方法院已經受理相關起訴書。秀智無辜捲入官非，令網民及粉絲大感不滿，紛紛鬧爆Once Picture嘅做法。

另外，秀智代言嘅化妝品牌日前公開咗其新相，只見秀智化上濃妝、紅唇，一改淡妝清純Look，好有女人味。

相關新聞：
聲援被拍淫照網紅挨批 秀智遭追究法律責任
https://bit.ly/2Mh05MW

更多韓流，喺晒《娛果》
http://fb.com/appledailyent