韓國大熱綜藝節目《RunningMan》嘅兩位主持Gary同李光洙，佢哋合作節目都有幾年，唔知係唔係佢哋日見夜見關係，對得太多，搞到連樣都似埋呢？

噚日Gary就喺Instagram上載咗同李光洙嘅合照，只見照片中佢咃都分別只喺露出半張臉，仲要木無表情咁望住鏡頭，兩個人嗰樣離奇神似，唔少網友都紛紛留言話：「Gary哥哥嘅表情好呆萌」、「點解覺得佢哋長得怪怪的像呢」、「哈哈，愛你們」等，最搞笑喺有網友惡搞佢哋嘅合成圖，認真笑爆咀。

而近日開咗Instagram嘅李光洙，亦都好努力上載新照冧粉絲，佢噚日就上載咗一張新照，只見佢坐喺椅子上，好似同緊人對話咁，微亂而隨意嘅髮型令佢睇起上嚟成個溫柔體貼嘅暖男。

而金鐘國嘅金鐘國侄女Soya近日上咗節目訪問，佢係節目話自己好在生得唔似金鐘國，言下之意似乎係話金鐘國唔夠靚仔，搞到9全場都大笑。至於係唔係因為金鐘國關係先有做歌手嘅夢想，Soya就話「從我5歲開始，就睇住叔叔唱歌，所以對歌手呢個職業感到十分親切。」

另外，韓劇《奇皇后》女星河知雲前日喺Instagram上載自拍照，並留言：「時間旅行中」，素顏上陣嘅河知雲顯得非常清純，即時俘虜咗宅男嘅心，唔少粉絲大讚佢好似青春少女一樣，仲驚訝佢嘅逆生長美貌。