【一日店長】Stephy疫市開台式茶飲店 讚男友王子專一唔花心
蘋果日報 2020/09/10 17:27
鄧麗欣茶飲店王子邱勝翊
近日香港武漢肺炎疫情開始緩和，確診數字有所回落，但由於仍有限聚令關係，食肆餐廳的生意短時間難以回復正常。可是鄧麗欣（Stephy）卻無懼「疫市」，她在銅鑼灣的台式茶飲店日前開新舖。
在疫情下夠膽開新店，Stephy坦言事前有一定壓力，但眼見其他國家的加盟店成績不跌反升，大大增加了她的信心：「我都覺得我哋好有勇氣， 但見到疫境下其他國家嘅加盟店有錢賺，畀到信心我哋決定喺香港開店，同時希望同做得好辛苦嘅飲業界朋友打下氣。」
在試業期間，Stephy親身落舖打點招呼客人。她指今次在香港用快閃形式是想好似太空人一樣，在不同地方周圍降落。「港九新界都會有落腳點，所以一個月之後我哋就會快閃去沙田。」Stephy在現場即席沖製招牌茶飲給客人，問到台灣男友邱勝翊（王子）可有品嚐過她的「愛心特飲」？Stephy甜絲絲表示：「佢好似未飲過呀，因為我淨係識沖啲最基本嘅茶飲，佢比較專情、專一，就算畀好多其他款式佢揀，佢都淨係揀珍珠奶茶。」
Stephy兩年前和友人夾份在台灣開設茶飲店，她日前擴張業務，在銅鑼灣開設快閃店。
在開業期間，Stephy落舖頭做「一日店長」招呼客人。
Stephy無懼「疫市」，透露將會陸續在港、九及新界開設分店。
Stephy趁開茶飲店，乘機讚男友專情又專一。（IG圖片）
男友王子都有幫茶飲店落力宣傳。（IG圖片）
-----------------------------
《蘋果》英文版免費試睇：了解更多