三T場次例爆冇走雞，頭關第四場爆完11倍「樂有贏」，次關第五場仲杰，45倍「海南花梨」一放到底首勝田草，跑第二「一團威」都有31倍，大熱門「人強馬勁」後上不及只得第三，前兩駒包辦342倍大冷連贏，一對原本只贏谷草之馬，竟然喺田草包Q，賽果都算神奇！
講番「海南花梨」，馬主梁柏濤是前溫拿樂隊經理人，亦是《騎師日報》創辦人及美國自然醫療學會核准執業醫師，贏馬後有邀請集編劇、導演和電台節目主持於一身的灘叔鄒凱光拉頭馬。呢鋪「海南花梨」喺全闊A跑道由頭帶到尾，取得季內第二捷，至於鞍上人呂卓賢今季累積三次贏何廐馬，都喺沙田取得，當中兩草一泥，騎練好耐未喺過谷草合作建功，下季捧佢哋大家要執生！