【兌現承諾】夫妻合照專輯做結婚周年禮物 34歲周柏豪要令太太幸福
天光Stephanie周柏豪
上月26日是周柏豪跟太太Stephanie結婚兩周年,周柏豪仍然抽了半日時間工作,夜晚才食飯慶祝,柏豪感恩指全因身邊賢內座對自己,無論是工作或運動都百份百支持,他亦慚愧說:「喺佢最需要我喺身邊時,可能我去咗外地拍劇3個月,或者去美加開騷,有時諗,如果唔能夠接受呢種相處模式,係好辛苦嘅事,好似細嗰拍拖嗰種Long D咁,唔能夠喺身邊照顧大家。偏偏佢係好識得去處理,令我好舒服,大家會把握機會,見面時去好好溝通相處,大家好夾先做到,好多謝佢。」
結婚周年禮物,柏豪將一份承諾變成實物。2011年,他為當時仍是女友的Stephanie寫了一首歌《天光》,當中有段歌詞「縱然賺了點 未夠贈你家園 但我尚有音符 寫一張唱片」。7年後今天,柏豪兌現了承諾將最近專輯作為結婚周年禮物送給太太,封面更是兩人合照,他說:「張相係我哋去冰島時影,好有紀念價值,係兩個人企喺飛機殘骸前影。」
柏豪笑指結婚似是上月發生的事,時間過得飛快,他甚至忘記上年周年紀念怎過。話到此時,剛踏入34歲的柏豪指已經踏入人生下半部,更要努力好好為家人計劃,安排更安穩生活,令太太幸福,讓父母繼續環遊世界,只要腦海浮現屋企人畫面,一切的辛苦也頓時拋於腦後。何時添新成員,他說:「有計劃,唔心急,因為工作有好好機會,要不斷衝刺,一旦加添重要新成員,就要收緊工作腳步,始終要兩面兼顧係有難度。」他跟太太及家人都鍾意小朋友,留待時機到便欣然迎接新生命來臨。
暫時未肩負父親之名,柏豪坦言工餘時間仍能享受打籃球、賽車及經營自家品牌,他說:「公司同事成日話我期待放假,但放假就走咗去做運動,其實休息對我嚟講係指一個長假期,可以唔諗工作嘅嘢,不過又唔可以太耐,五日四夜就啱啱好,好似農曆年咁長嘅假期,我會心散唔想工作。」
除了珍惜家人,也重視從小互相陪伴成長的朋友,他慶幸彼此一直沒有放棄籃球,直至今天各有家庭,或面對工作壓力,仍能保持一個月打一、兩次波,他說:「呢樣嘢好值得欣賞,唔係咁多人做到維持友誼,呢份友誼係用錢都買唔到嘅感覺,純友誼而冇利益衝突。」
採訪:馬建華
影片:廖達燊、葉君海
場地提供:喜樂餐飲教室
精選娛聞,喺晒《娛果》
http://fb.com/appledailyent
【好驚喜】39歲周勵淇宣佈已結婚 否認奉子成婚傳聞
http://bit.ly/2CfXY9e
【微博蒲頭】親自拍片公佈小王子滿月 張栢芝:好感恩上天對我咁好
http://bit.ly/2LlUJQF
【未請飲】「兄弟」蕭正楠爆已婚 姚子羚:佢個死嘢收得好埋
http://bit.ly/2QVO9Wp
【350萬觀看率】田中圭超時演24小時節目 直播激咀《屍殺片場》阿姑
http://bit.ly/2BzOLaz
【表示無言】心痛張繼聰定古天樂? 謝安琪:大隻啲抵得痛啲
http://bit.ly/2Ln7haD
2011年為當時仍是女友的Stephanie寫了一首歌《天光》 (攝影:沈健程)
剛踏入34歲的柏豪指已經踏入人生下半部,更要努力好好為家人計劃,安排更安穩生活,令太太幸福