拜仁慕尼黑喺上輪德甲重上勝軌，上周六聯賽主場4:0大勝緬恩斯，前鋒羅拔利雲度夫斯基喺該仗梅開二度，不過據講佢同球會關係仍然緊張，有傳曼城嘅哥迪奧拿正吼到實，打算喺明年一月出手收購，同羅拔仔再續前緣。

羅拔仔係近幾年拜仁主力中鋒入球無數，不過佢喺今季同球會關係有嘅緊張，批評球會孤寒唔肯花天價收購球員，那邊廂就被主席路明尼加反擊，批評佢喺球會搵咁多錢竟然講啲咁嘅說話。曾經執教過拜仁3年嘅哥迪奧拿，對羅拔仔嘅能力非常欣賞，據報將會喺一月轉會窗重開之後，出價收購佢。不過交易最大障礙係，羅拔仔同拜仁嘅合約到2021年先屆滿，亦冇違約金條款，曼城出價唔過億歐元的話，拜仁肯定唔會賣。