闊別擂台逾一年的曹星如（Rex），上周五宣佈以業餘拳手身份衝擊2020年東京奧運。曾四奪香港冠軍，並於兩屆東亞泰拳錦標賽贏得金牌的泰拳好手吳景聰，被問到對於此事的意見時說：「我覺得佢好幸運，有人力捧，成功令更多人認識拳擊。」雖然西洋拳近年漸趨流行，但他卻未有「踩過界」的念頭：「拳擊我都鍾意，不過最愛都係泰拳。」

Rex重拾奧運夢極為熱血，而阿聰為泰拳奮鬥的故事，同樣教人動容。其實阿聰在2010年因合約問題而停賽兩年，期間更不能從事跟任何相關工作，他為了生計只能做倉務員。憶及往事時，阿聰表示：「試過有次喺街執貨，見到對面馬路有拳手跑步。嗰一刻我就諗，究竟我喺度做緊咩？」阿聰坦承在停賽的兩年，不論體能及技術的下降幅度皆大得誇張，甚至「踢十腳已感覺冇氣」，但渴望重返擂台的他未有因重重難關而卻步，最終透過法律解決合約問題，得以復出：「能夠堅持下去，係因為我熱愛呢種運動，同埋我覺得自己真係得。」

西洋拳跟泰拳的打法有別，但兩者卻有相同之處－－業餘難能像職業選手般專心操練，表現或會受到影響。阿聰說：「（拳擊）喺香港唔係熱門項目，冇資助、冇資源。我宜家都有教拳，但已減少九成，想全職操練。」阿聰曾四奪香港冠軍，並於兩屆東亞泰拳錦標賽贏得金牌，但他未有因而自滿，更希望贏得更多國際性金腰帶，令更多港人關注泰拳。

記者：許嘉明

--------------------
新球季，新陣容！利物浦 FC 18-19季球星進駐《BFB》！立即帶領紅軍，踏上登頂之路！ http://bit.ly/2oQObi1
--------------------
《體蘋果》陪你睇波講波
https://www.fb.com/appledailysports