【新增影片】
相信公民黨黨魁楊岳橋（AY）粉絲們都相當好奇，兩星期前岳橋BB成功求婚嘅「陳小姐」盧山真面目，志雲大師好似收到大家訴求，星期四喺facebook上載一段咗AY去佢舞台劇探班嘅片段。

片段中志雲大師盞鬼哋將AY女友拉入鏡，「呢個係你女朋友，橫掂都嚟咗，見吓嘛」，一向冷靜嘅AY當堂神色慌張話「呢啲唔好上鏡啦」，不過志雲大師當然唔理，仲迫問「係咪話就嚟結婚？」，當時未求婚嘅AY就話「係計劃之中嘅」，旁邊女友即甜笑鏡頭都唔敢望喇。

志雲大師又問AY女友會唔會擔心AY多女粉絲，又追問究竟求咗婚未，AY即搭嘴話「to 求or not to 求, that is the question」，女友就笑笑口回應，「我唔知算唔算喎，見到實物先算」，志雲仲即刻睇「陳小姐」對手，發現真係無戒指，「陳小姐」當時笑住話「我未應承架嘛」，不過轉眼間而家應承咗喇，恭喜AY得米，粉絲們也只能說一句，這些機會不是屬於我的。