李坦言香港產品出口至美國IT公司不算多，本地IT公司的創業投資多數以中港資金為主，影響相對較間接。但他指整個亞洲區，包括日、韓、台、新加坡等，香港IT產業相對落後，認為取消特殊待遇後更難追上。
香港資訊科技商會榮譽會長方保僑認為，美國政府若有關稅外的進一步制裁，將對香港科研層面有「創傷性影響」，因本港大多數科研技術均有美國成份，「因為一國兩制人哋當你自由地方，人才技術都自由進出，到時無咗呢個地位，呢啲嘢會唔會都無埋呢？」
方續指，有關國際制裁勢重挫本地經濟及技術層面，以美國政府對中國華為事件為例推測，制裁項目或囊括硬件、軟件甚至技術，而香港科研大量使用美國技術、晶片等，屆時將首當其衝，「更高級產品如電訊商用嘅路由器，已經係軍事級，加密程度好高，呢一類會唔會甚至入口會有問題？」
國安法本身亦令外國公司擔心數據保安問題，方警告：「到時國安機構隨時可以截取資料，如數據中心尤其美國公司係咪唔應該擺喺度？對科技公司最重要除咗知識產權就係數據，佢哋一定會搬走。」
■記者黃翠儀