由俞承豪同蔡秀彬主演嘅韓劇《不是機器人啊》去年12月播出，雖然收視麻麻，但深受年青劇迷歡迎。

而近日大陸方面傳出會翻拍《不是機器人啊》嘅消息，仲名為《我不是機器人》，據悉大陸版將有24集，仲有意邀請韓劇《W》同《不是機器人啊》嘅導演鄭大允做監製，屬意由鄧倫、宋威龍擔正，大陸版想邀請原版導演監製嘅話，睇嚟今次有買版權。

《不是機器人啊》講述男主金敏圭（俞承豪飾）患有人類過敏症，一接觸人類就會過敏甚至休克至死，因此一直無法同人交往。直到遇到假扮成機械人嘅趙智雅（蔡秀彬飾）後，金敏圭生活終出現巨大變化，最後仲愛上機械人。有指大陸版將沿用原版故事並會作出修改，預計年底或明年初開拍。

精選韓流，喺晒《娛果》
http://fb.com/appledailyent