高海寧今日一身迷人PinkLady打扮到康怡商場，出席母親節烹飪比賽活動，要做廚師助手及評判，佢笑言會「挺起胸膛做人」，以及做足防走光措施。

高Ling話自己間中會下廚，不過聽日母親節就同家人出街食飯慶祝，佢話：「始終媽咪煮嘢食好叻，節日反而會整蛋糕畀佢哋食。」而佢最拿手係煮糖醋骨同煲湯，亦都曾經為男友煮心形牛扒。

高Ling正在拍新劇《My盛Lady》做徐子珊妹妹，跟黃子華有對手戲，問佢會唔會接得住黃子華啲笑料，佢話：「 我反應慢，如果接唔住惟有傻笑。 」



逢周五隨《蘋果日報》附送嘅時尚美容雜誌《add》第二期雖然早已派完；拎唔到書嘅朋友，可以上番《add》嘅官網 http://hk.add.nextmedia.com/睇番足本網上版，除咗有陳慧琳專訪，仲有好多時裝靚嘢睇！