現年40歲嘅韓國型男蘇志燮，近日忙於跟女星鄭仁仙拍攝MBC新劇《我身後的陶斯》，今日蘇志燮拍劇時更於街頭被捕獲，令人更加期待新劇播出。

蘇志燮出道多年曾有唔少緋聞，早年佢就曾跟韓劇《玻璃鞋》女星金賢珠傳緋聞。日前有韓國節目就重提二人嘅緋聞，公開二人近年疑似不和、冇再聯絡嘅原因。

節目表示，蘇志燮跟金賢珠早於1998年就因拍劇而認識，到2002年合作《玻璃鞋》時更成為好友。由於二人非常老友，因而傳出二人拍拖嘅傳聞，又曾傳二人去菲律賓度蜜月。節目主持人表示，由於外界嘅各種傳聞，令蘇志燮及金賢珠嘅關係變得非常尷尬，兩人最終失去聯繫。

而金賢珠早前接受訪問時，就曾公開表示叫蘇志燮跟佢聯絡，未知二人私下有冇再聚呢？

精選韓流，喺晒《娛果》
http://fb.com/appledailyent