【好快有答案】連續騎「三圓䮭路」唔放手!安仔整個third time lucky
安仔田泰安蘇保羅三圓䮭路Xavierethird time lucky連續第四次騎
以往跑馬日,騎練要入馬場開工,太太同女友們都會打扮得花姿招展,伴隨左右。
由剛啱(19日)泥地夜馬開始,每次賽事馬會只限練馬師本人入場,馬場少咗幾分騎練靚太艷光,倍覺寂靜。
田泰安每次出賽,佢未婚妻兼前騎馬人Xaviere都會在看台打氣,非常投入,愛人贏馬佢亦會將頭馬相上載於自己的IG。
不過,依家非常時期,Xaviere只好留喺屋企,睇電視幫安仔加油。
唔知係唔係少咗Xavi嘅現場打氣聲,安仔近期表現麻麻,已經守齋六個賽日,上期(19日)還因不小心策騎,被罰3月中停賽兩日。
今日(23日)安仔有唔少實力座騎,有力於沙田馬場打破悶局。
第六場四班1400米,「三圓䮭路」由葉廐轉投至蘇保羅馬房後,近兩仗俱於安仔胯下入Q,本身今趟已是連續第四次由同一騎師主轡上陣。
前仗(1月11日)輸在直路太遲先望空,上仗(2月2日)則負予實力同衝刺力較強的「正本開心」。
呢匹六歲愛爾蘭自購馬今仗有運抽到3檔起步,主要對手「勁力威龍」同「至尊高陞」則分別排12及14檔。
恰巧「三圓䮭路」馬名有個三字,到底佢會否third time lucky呢?好快就會有答案。