以香港打工仔月薪中位數約1.48萬元計,月儲1.1萬,即係得番3,800蚊使,(人工加時通常都係通脹,而加薪通常又係追唔上通脹),可能37年都要過咁嘅生活,到老先有機會「上樓」。
之前「贏在起跑線」嘅劉鳴煒教年輕人睇少啲戲,去少啲日本,月儲3,000蚊嚟買樓。費清諗諗吓,可能劉公子嘅意思唔係講買樓,而係叫人儲錢養老。
事關如果只係月儲3,000蚊,37年就先儲得個130幾萬,唔好彩捱到60歲仲隨時一身病痛,莫講話住雋悅,嗰百幾萬分分鐘連大埔劍橋護老院都住唔起。因為劍橋一個床位月費要9,000幾蚊,筆積蓄唔夠你住廿年。香港人均壽命有80幾歲,如果你80歲仍健在,到時都唔知點算喇。
費清
#要生計,也要生活 #毋忘初衷