台灣小虎隊早前喺吳奇隆婚禮上合體，好耐冇蒲頭嘅成員陳志朋嘅樣，被指變化好大，唔單止雙眼皮加深咗，鼻又高咗，連皮膚都又緊又繃，難怪傳出變面疑雲，備受質疑整容嘅陳志朋。

今日喺微博公開當年塊面被燒傷嘅舊相，終於真相大白，相中嘅佢兩頰都被嚴重燒傷，紫黑結疤傷痕纍纍，鼻子都有燒傷痕跡，嘴唇都腫晒，佢留言：「當時真勇敢。」網民紛紛鼓勵：「心疼！挺過來就好了，支持！」、「一直都是最棒的」。

陳志朋初出道時樣子被指似張國榮，01年佢拍劇集《古惑少年洪文定》一場跳火堆戲，因工作人員疏忽令火藥爆炸，陳志朋不但面部被燒傷，眉毛同鬍鬚都燒掉，休息咗兩個月，要接受換膚手術。佢於06年接受訪問憶述傷勢時透露：「一張臉腫得像豬頭，嘴唇燙成香腸嘴。」