特首林鄭月娥今早出席答問大會，話題離不開閹割選舉、愛國者治港、外媒「抹黑」等，負責嚟陪坐嘅司局長梗係嫌悶啦！運輸及房屋局局長陳帆就喺會議期間，利用枱頭電視機疑似睇新聞，仲要政治不正確，睇新鮮出爐南韓首爾市長補選結果，佢電視機畫面可見在野黨候選人吳世勳勝出一幕。外國民主選舉只會令香港水土不服，香港未來嘅選舉制度已經被北京「完善」咗，唔知陳帆睇嚟做乜呢？

教育局局長楊潤雄就唔同喇，《立場新聞》影到佢會上低頭用電話睇《文匯報》社論，文章題目名為《新形勢下如何實踐愛國教育》。楊局長政治正確，專心閱讀官媒話語，唔聽林鄭絕對係「情有可原」，抵讚！

財經事務及庫務局局長許正宇喺會上就竟然除罩唞氣，完全置自己與他人健康於不顧，如果佢有武肺，咁點算先？不過，高官向來做乜嘢，都係合法合情合理，即使除罩播毒又點會有問題呢？

-----------------------------

蘋果初心不變！26周年「撐蘋果Tee」預售：

你的優惠訂購（海外訂購按此）

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！